THEIGEWIES

Jaorgank: 2022

De Zittesje geis

Koeplet 1:

’t Is get wo mits te bie ós wurs gebaore

Wo mits te van kleins aaf aan groot bès gewore

En es se ‘m zeen wils dan kiks te nao niks

Mer toch is ‘r dao euveral woos te kiks

Hae zit in de Phil en hae zit in de Paek

Hae zit in d’n Daeke zien zóndigse praek

Hae zörg dat me zich hie bie al waat me deit

Óngerein al mit ein hawf woord versjteit

Refrein:

Al kènt ‘m geine van gezich

Hae zit in mich. Hae zit in dich

Hie in de sjtad mer ouch in de wieke

Hae’s euveral zo wiets te kèns kieke

Hae zit in jeder Zittesj lief

In jeder patsj en krómp awd wief

Doe vuils en pruifs bie al waats te deis

Oze gouwe Zittesje geis

Padapadapadapadidai…

Koeplet 2:

’n Tikkelke Teun en ein bietje Jo Aeres

Dat lache en zènge waat Zittesje kaer is

Van knötsj pès de kneie, tot knoosj aan de knäök

De lach dae me lach en de traon die me bäök

Hae zit in de sjpas dat zeen veer ós bewus

Mer ouch in de pien es Fortuna verlus

De leifde veur Zitterd die zit bie ós d’rin

Daoróm zeen veer hie zo greutsj wie ‘ne pin

Sjlot:

Wits te wó mits te in Zitterd alle zörg versjleis?...

Mit oze gouwe Zittesje geis!

MASKE VERPLICH!

Koeplet 1:

Midde bie ós in ’t sjträötje sjittert ein sjoon sjtaminee

Dao hingk de lol aan ein dräödje

Zäödje!

Noe twiefel neit en maak èns entree

Nemes dae leet zich dao kènne achter gekleurde visaasj

Noe is ‘t tied veur de sjaasjmoele hie

Dus pak dich zellef ouch ein derbie…

Refrein:

Hie is ein maske verplich

Ein mómmegezich veur baove oppe naas

Noe kiek neit zo verbaas nao al die gekke köp in extaas

Hie is ein maske verplich

Ein mómmegezich is dresscood veur vandaag

Went höbste èns ein langk gezich

Dan hulp ein lachend maske dich

Koeplet 2:

Kriebelt ’t mee es ein bietje. Löp dich de kitsj vol mit zjweit

Zupste dien glaas mit ein rietje

Mietje!

Terwiel de bril dich ummer besjleit

Nemes dae leet zich hie kènne achter zo’n naas mit ein litsj

Achter de ore dao pitsj dich ein blaor

Waar höbbe veer ’t zjwaor jeder jaor…

Brök:

Mer dan: Auwee…’t Démaskée..

Dien vlam in sjpee…die haet acné…

Sjlot:

Veer höbbe hie ’t maske op en effe èns get angesj aan de kop!

Sjtael mien hart

Intro:

Ich höb de lètste waeke alle mood biejein gesjard…

Vastelaovend: Kóm en sjtael mien hart…

Refrein:

Vastelaovend: Sjtael mien hart!

Want dit maedje dat wach mit sjmart

Kóm, veer make eine sjtart

Vastelaovend: Sjtael mien hart!

Ich höb zwa lang gewach op dizze gekke nach

En sjtraks num ich dich mit nao hoes

Dan make veer ós vrunj óntzettend sjeloes

Dus höb ich de mood biejein gesjard:

Vastelaovend: Sjtael mien hart!

Koeplèt 1:

Ich bèn verleef op miene hartedeef

Vertwiefeld sjreef ich eine leefdesbreef:

“Geachte Vastelaovend. Noe mót ’t mer èns d’roet

Ich bèn allein vanaovend. Wils doe èns mit mich oet?”

Koeplèt 2:

Op eine daag doe brach hae mich versjlaag

En good besjlage zag ‘r gans gewaag:

“Doe haws mich lèts gesjreve waat dich zwa good bevilt

Noe zeuk dich eine leve dae ouch van fjèste hilt”

Och Vastelaovend, bedank veur de lès

Ich doon al aovend mien utesjte bès

Dan klink mien leedje van haop euveral

Veur eine jóng dae mien hart sjtaele zal…

't Oppe-Sjteul-geveul!

Refrein:

’t Meubilaer dat is de klos

Want ich geluif ’t is begos

Vanoet de veut dao kump ’t los:

‘t Oppe-Sjteul-Geveul in os

’t Meubilaer dat is de klos

Door al dat danse en gehos

Dat is hie vaste-laoves kos:

‘t Oppe-Sjteul-Geveul in os

Noe gaon alle remme los!

Koeplet 1:

Vuur wae dit nog neet wit:

Nemes ‘zit’ d’r hie mit!

De aovend kump al good op gank

Mer vreuger waore vier nog sjlank

En dao is gaar gein plaats mier op de vinsterbank…

Koeplet 2:

Sjpringe-troef in ’n tent!

Of ’t Gouvernement

Mer wie dat fiëske wiejer geit

Dat is vuur os al unne weit

Want mörgevreug dan sjteit de poetsploog al gereid…

Brök:

Zörg dat ’t kraak…Dat is sjuus waat ein zitting maak

Sjpring oet dien daak…al zeen de peut al gammel en zjwaak

Geit ’t èns fout…Vluug dae sjtool bie ’t funkelhout

Zjwaegel d’r aan…En alle zörg die zeen van de baan