Jaorgank: 2021
Kiek nao veure!
Koeplèt 1:
Ouch al doert ‘t nog ‘n jaor
Thoes dao ligk al alles klaor
Veur ‘n supergood idee
Dus veer vlege rech door zee
Dao klink feesmeziek oet dien garaasj
Eder aovend aan ‘n sjtök
Leve God besjpaar ós ein blamaasj
Laot ós nog get maore pès ’t lök. Aw mök!...
Refrein:
Kiek nao veure. Kiek nao veure!
Gaef d’n tied ein urke vrie
Kiek nao veure. Kiek nao veure!
Laef dien eige fantasie
Zèt de allerlètste bóntje kleure en de puntjes op de i
Kiek nao veure. Kiek nao veure!
Brèng de daag van vastelaovend edere aovend korterbie
Koeplèt 2:
Ouch al doert ‘t nog ‘n waek
Nemes geuf nog enne kaek
Want veer weite allemaol:
Echte maskes hawte paol
Wo me sjlagers hwjèrt van alle kènj
Ligk me nog neet op ‘n oor
Dao drif zjweit van gekke langs de wènj
Want die kraome ónversjrókke door en door…
Brök:
Veulste ’t van bènne kriebele es ’t wachte wiejer geit
Zitste oere al te giebele
Waeke, maonje, jaore al te wiebele…
Sjlot:
Brèng de daag van vastelaovend edere aovend oorverdouvend väölbelaovend korterbie
Gaef d’n tied ein urke vrie
Plaatsj: | Aelse (Elsloo) |
Teks & Meziek: | Thei Wessels |
Zangk: | Claire |
LVK 2021: | Finale 20e |
Media: | "Van Eijsde tot de Mookerhei" Deel 28 (Marlstone C202101, 2021) |
Laot ós in de sjteek
Koeplèt 1:
“Noe zènge veer op óngerhauve maeter oeterein
’t Veurig jaor doe góng dat toch väöl baeter, kastelein
Dien plexiglaze plate hange euveral gereid
’t Moch helaas neit bate wieväöl leid ’t ós ouch deit”…
Refrein:
Noe laot ós in de sjteek
En sjtop mit dat gemeek
En bäöke, bäöke en janke aan de teek
Noe laot ós in de sjteek
Al rake veer van sjtreek
En es ’t ós lök dan kómme v’r trök
Dan zèng v’r ós ‘n blaor
Veer rechte de rök en kriege ’t drök
Mer waal ’n anger jaor!
Koeplèt 2:
Normaal dan zènge èllefdoezend gekke oze hit
Dat is noe mer de hèllef en dao vrekke veer toch mit
Noe wólle veer gaon knalle mit ós sjteek en mit ós kap
Op Einsam Herzen Balle mit de erge weitensjap…
Brök:
Noe mótte veer ós sjame, went flot koum al de vraog:
“Waat mómpele die same in d’n èllebaog?”…
Plaatsj: | Zitterd |
Teks & Meziek: | Paul-Jean Jessen &Thei Wessels |
Zangk: | Jesse & Jesse |
LVK 2021: | Hauve finale |
Media: | "Van Eijsde tot de Mookerhei" Deel 28 (Marlstone C202101, 2021) |
Gaer eine sjoenkelaer
Koeplèt 1:
Doe höbs volle tente die rocke en joeksige reggae kefees
En zittinge die dich verlokke mit polka en oktoberfees
Mer ich wil get angesj gaon brènge dan disco op aw wieverbals
Ich gaon vastelaovend bezènge en dat deiste toch mit eine wals
Dus bèn ich hie gaer in de waer veur edere dans-twiefelaer…
Refrein:
Ich wil zo gaer eine sjoenkelaer
Walse dat maak mich zo blie
Hang noe neet wie eine zoutpilaer
Of ein tuut aerpel derbie
Ich wil zo gaer eine sjoenkelaer
Dat is mien leefhöbberie
Daoróm bèste sjufelaer
En vastelaoves-inein-sjtevelaer:
Geer zeet eine mazzelaer
Mit deze knatsjvètte sjoenkelaer!
Koeplèt 2:
Doe höbs dansmariekes die hakke en prinse die sjprènge op house
Mer veer zeen de walsmaniakke en die wille gaer eine van Sjtrauss
Dus bèn ich hie gaer in de waer veur edere dans-braggelaer…
Brök:
Al ’t gooje kump hie alzelaeve in drie
Dus geer hoof nurges angesj meer haer
En noe hawd uch paraat veur de volgende plaat
Want ich bèn eine walser-expair…
Sjlot:
Twiefelaer, braggelaer, zeiveraer, ónneuzelaer…
Dit waar dae knatsjvètte sjoenkelaer!
Plaatsj: | Sjömmert (Schimmert) |
Teks & Meziek: | Thei Wessels |
Zangk: | Kelly van de Lump |
LVK 2021: | Hauve finale |
Media: | "Van Eijsde tot de Mookerhei" Deel 28 (Marlstone C202101, 2021) |
Dat kump door dich
Koeplèt 1:
Mien laeve waar gewoon mit gries en groew
Zwa kleurloos want mien hart bleef ummer toew
En gauwer woord ich auwer in eine witte waas
Mer wie veul ich mich angesj in ‘t noew
Dat is wo ich geveulig op vertroew
De lóchte kleure blauwer en greuner is ‘t graas
Dus loup ich hie te sjtraole
Ich hawd ‘t neet versjaole
Gelök dat kump mich haole
En is op mich gerich
Refrein:
Dat kump door dich. Dat kump door dich
Nana nanananana
Dat kump door dich. Dat kump door dich
Nana nanananana
Van d’n daag aaf dats dich bie mich bès
Loup ich mit ein blie gezich
Dat kump door dich. Dat kump door dich
Nana nanananana
Koeplèt 2:
Zwa haw mien leefde ouch ein pril begin
Doe leeps gewoon inèns mien laeve in
Dien handj óm miene sjouwer, dat haet mich zwa verbaas
Dus loup ich hie te sjtraole
Ich hawd ‘t neet versjaole
Gelök dat kump mich haole
En is op mich gerich
Brök:
Kiek de zón die sjient en ich dènk ’t mient
En mien laeve vanaaf noe lach mich toe
Lach mich toe, lach mich toe
Plaatsj: | Aelse (Elsloo) |
Teks & Meziek: | Thei Wessels |
Zangk: | Claire |