Jaorgank: 2020
Wo is de VAR!
Koeplèt 1:
Reedner Ruud sjtóng in de buut mer koosj gaon nao ein menuut
Wo is de VAR mit vastelaovend?
En Josee dat reip: “Auwee, geine wageboewtrofee”
Wo is de VAR mit vastelaovend?
Al dat kraome dat is toch ewig zunj
Veur mer allein die eesjte runj
Refrein:
Wo is de VAR? Went jederein is in de war
Wo is de VAR? ‘Tis óm te bäöke zo bizar
Noe haw ich mich dit jaor bekans gesjtunt
’t Sjaelde mer ‘n haor en ‘n èlfde punt
Wo is de VAR? Of hange die nog aan de bar?
Wo is de VAR? Of koume die ónger de kar?
Koeplèt 2:
Zènger Thies kreeg veur zien wies al geliek de lètste pries
Wo is de VAR mit VARtelaovend?
En Agaat van ‘t sjpagaat góng es dansmarieke naat
Wo is de VAR mit vastelaovend?
Al dat sjófte dat is toch ewig zunj
Mer drie daag sjpas heilt alle wunj
Brök:
Aevel Funs veil bie de zjurie in de guns
Mit zien geklómmel en gekluns
Mer ocherm doe sjprouk inèns de sjterke erm:
“Nog effe kieke op ’t sjerm”…
Doe koum de VAR! Dao waar de VAR! Doe sjprouk de VAR!
En mit de groete van dae knar
Sjlot:
Sjik die mer flot nao Zanzibar
Of lekker zjweite in Quatar
Dao sjteit ein kerke van de Sjpar
Noe zeen veer vaerdig mit de VAR!
‘t Kintj neet op!
Koeplèt 1:
Al det jachte door de nachte
Om hiej dalik weer te stoan
En we kinne neet mieër wachte
Want doa mót nog vöäl gedoan…
Tent verseere, leedje lieëre, bruëdjes sjmeare, oze bölles sjminke
Pekske neije, pleatje dreije, buut mèt stómme kal
Leedje sjalle, wieverballe, zaal in knalle, same eine klinke
Wagebouwe, beere brouwe, mer ig zeen ’t al:
Refrein:
’t Kintj neet op! ’t Kintj neet op!
’t Kintj neet op in deze zaal
Sjöpke d’rop! Sjöpke d’rop!
Sjöpke d’rop kintj lekker waal
We veere hiej ós drökste joargetiej
En waat we misse op ós sjilderiej
Kintj nog bès d’rbie
Koeplèt 2:
Is ‘t ellef oore ellef
Op dea allersjoeanste daag
En we höbbe sjpas vöär twellef
Mer nog niks in oze maag…
Verkespuëtjes, worstebruëdjes, sókkernöätjes, friet en frikkedelle
Bekkeriéke, Wok of Grieke of get oét de moor?
Kortelette, vleiskrokette, pan opzètte of vöär pizza belle
Kieësblök kane, halve hane, hieëring in ’t zoor…
Plaatsj: | Baexem |
Teks & Meziek: | Thei Wessels |
Zangk: | Pier & Stuf |
Media: | "Van Eijsde tot de Mookerhei" Deel 27 (Marlstone CD202001, 2020) |
Sjpoke
Koeplèt 1:
Nog effe dan is ‘t èllef oer
En ligk vastelaovend oppe loer
Mesjiens haws-te dao al waeke op gehaop
Dae sjpook hie vannach get mit dich oet
Doe vuils al de sjoever op dien hoed
Veurluipig dan kumps-te neit meer goud in sjlaop
En jederein dae haw al gezag:
Gein ‘welteruste’ veur dich deze nach
Refrein:
Dan geit ’t sjpoke dao in diene kop
Èns lekker sjpoke!
Dao sjteit noe de vastelaovend op
Daoróm deis dich ummer zo geistig
En vannach klink diene lach…
Waat haws-te dan gedach ) 3x
Koeplèt 2:
’t Maak neit meer oet of waats-te deis
Dat kump door ‘t danse van de geis
Dae dwaalt in kefees en volle zale róndj
Doe mirks ’t al in ein ougenblik
Es dae bie dich in de ouge kik
Dan gaon alle vuit vanzellef van de gróndj
En jederein dae haw al gezag:
Gein ‘welteruste’ veur dich deze nach
Brök:
Bès noe mer neit bang
De vastelaovend kump op gang
Dao kèns-te nao verlange man
Dao jeeg dich nemes mit op sjtang
Plaatsj: | Zitterd |
Teks & Meziek: | Thei Wessels |
Zangk: | Sjtóm Toeval |
Media: | "Van Eijsde tot de Mookerhei" Deel 27 (Marlstone CD202001, 2020) |
Neit te sjtoppe
Koeplèt 1:
Noe loester effe hie
Waat ich zègk
Doog èns gek
Mit ein bietje fantasie
Bès noe mer neit sjoe
Jederein geit noe
Oet zien daak
Ziene gank
Oere lank
Deze aovend is ‘t raak
Bès noe mer neit sjoe
Jederein is noe……
Refrein:
Neit te sjtoppe
En neit te kloppe
Gans in ‘t zjweit
Wae hie danse wilt dae is noe neit te sjtoppe
En neit te kloppe
Gans in ‘t zjweit
Wae neit danse wilt dae is hie neit ) 2x
Koeplèt 2:
Dao kènt òs niks meer hie
Nog versjlaon
Es veer gaon
Dit is ós leifhöbberie
Bès noe mer neit sjoe
Jederein geit noe
Oet zien daak
Oppe sjtuil
‘t Gevuil
Dats-te ‘t gans höbs gemaak
Bès noe mer neit sjoe
Jederein is noe……
Plaatsj: | Zitterd |
Teks & Meziek: | Thei Wessels |
Zangk: | Veier-G |
Veer doon de “Alaaf”
Koeplèt 1:
Kóm same kókkeralle of hènke op ein bein
Of renne mit zien alle en raadsjlaon op ‘t plein
Kóm same tuike sjprènge of sjmiete mit de bal
En dan dit leidje zènge went waat is ’t geval:
Vastelaovend haet zien eige groove
Dan deit jederein dae gekke move…
Nao lènks! Nao lènks! Noe alleney nao lènks!
Nao rechs! Nao rechs! Noe alleney nao rechs!
Noe sjtamp! Noe sjtamp! Noe sjtamp mer op de gróndj!
En dree mer in ’t róndj!
Refrein:
Veer doon de “Alaaf”
Went veer doon zo gaer bewaege
Veer doon de “Alaaf”
En veural neit zo verlaege
Veer doon de “Alaaf”
Mit de handj de lóch in vaege
Veer doon de “Alaaf”
Oze vastelaoveszaege
Koeplèt 2:
Kóm same muske belle of kriete oppe sjtóp
Of naoluiperke helle. Mer eesj: “Ein Twee Drie Flóp”
Kóm same bökske sjprènge en ouch de koutelebout
En dan dit leidje zènge dat deit ’t ummer goud:
Vastelaovend haet zien eige groove
Dan deit jederein dae gekke move…
Nao lènks! Nao lènks!...
Plaatsj: | Zitterd |
Teks & Meziek: | Thei Wessels |
Zangk: | De Sjtadssjool - KVL 2020 |